ՀԱՊԿ-ում մնալու կամ հակառակը՝ դուրս գալու վերաբերյալ Թիվ 1-ը կապ է հաստատել «Քաղաքացու որոշում» կուսակցության անդամ Սուրեն Սահակյանի հետ, պարզելու իրենց դիրքորոշումը։ Մեզ հետ զրույցում Սահակյանը նշեց․
«Դա երկրորդային-երրորդային հարց է, եթե Ռուսաստանի հետ դաշնակցային հարաբերությունները պաշտպանվում են։ Հիմա մեր սահմանները «պաշտպանում» են, ոչ թե ՀԱՊԿ-ի զորքերը, այլ՝ Ռուսաստանի, այն վտանգները, որը մենք զգում ենք ՀԱԿՊ-ից անմիջականորեն առնչվում է նաև ռուսական զորքի հետ, եթե ասում ենք ՀԱՊԿ-ից դուրս գալ ուրեմն ճշմարտության կեսն ենք ասում, պետք է ամբողջությամբ վերլուծենք իրավիճակը։ Այսինքն, ՀԱՊԿ-ը մեր անվտանգության համակարգի, որը մենք ամբողջությամբ դրել ենք մի զամբյուղի մեջ, անմիջականորեն կապված է ՌԴ-ի հետ։ ՀԱՊԿ-ից դուրս գալը մեր անվտանգային համակարգը, ինչպե՞ս ա փոխելու, ինձ դա է հետաքրքիր, եթե Ռուսաստանի հետ բարեկամության, փոխօգնության, ռազմական օգնության հարցերը չեն լուծվում։ Եթե ուզում եք ՀԱՊԿ-ից դուրս գալ, ապա ՌԴ-ի հետ պայմանագիրն էլ պետք է չեղարկենք, այդ դեպքում կփոխենք մեր անվտանգային համակարգը»,-ասաց Սահակյանը։
