Հայաստանը պետք է մտնի ՆԱՏՕ՝ դուրս շպրտելով չարիքը՝ ՌԴ-ն, տարածաշրջանից

Թիվ 1 ստուդիան հյուրընկալել է «Հանուն Հանրապետության» կուսակցության փոխնախագահ Ռուբեն Մեհրաբյանին։

Պարոն Մեհրաբյանը նշեց՝ ամենավախենալու բանն արդեն տեղի է ունեցել վաղուց. մենք Ռուսաստանի դաշնակիցն ենք. դրանից վախենալու բան չկա: Հաշվի առնելով, որ ՀԱՊԿ-ում գտնվելը մեզ չի տալիս անվտանգություն, մեր ռազմավարական անվտանգությունը չի ապահովում, և չի էլ ապահովելու, այո´, ՀՀ-ն պետք է ինտեգրվի տարածաշրջանային իրական անվտանգության կառույցում, և այդ կառույցը մեկն է` ՆԱՏՕ-ն: Հայաստանը պետք է սկսի մշակել ռազմավարություն այդ կառույցին անդամակցելու համար:

Նա նաև հավելեց, որ բալանսավորող մեխանիզմներն ուղղակի կենսական անհրաժեշտություն են: Դա այն ամենաազդեցիկ գործիքն է, որը բերելու է մեր խաղաղության դարաշրջանի երաշխավորմանը: Ի վերջո՝ սա հնարավոր է միայն ու բացառապես՝ ոչ թե ՌԴ-ի հետ, միասին, կամ միջնորդությամբ, այլ առանց Ռուսաստանի, և քաղաքականապես՝ ի հաշիվ Ռուսաստանի՝ դուրս շպրտելով այդ չարիքը մեր տարածաշրջանից: Սա է լինելու հայկական դիվանագիտության ամենակարևոր գործունեության արդյունքը, որը մեզ կապահովի խաղաղություն, մինչ այդ խաղաղություն չսպասեք: