Ռուսաստանի նախագահ Վլադիմիր Պուտինը Վլադիմիր Չիժովին ազատել է Եվրամիությունում Ռուսաստանի մշտական ներկայացուցչի պարտականություններից։ Այս մասին հաղորդում է իրավական տեղեկատվության պաշտոնական հարթակը, որտեղ հրապարակվել է պետության ղեկավարի համապատասխան հրամանագիրը։
«Չիժով Վլադիմիր Ալեքսեևիչին ազատել ԵՄ-ում և Ատոմային էներգիայի եվրոպական համայնքում Ռուսաստանի մշտական ներկայացուցչի պարտականություններից»,- ասված է փաստաթղթի տեքստում։
Ավելի վաղ Չիժովը, մեկնաբանելով ռուսների համար դատարան ստեղծելու մասին եվրոպական դիվանագիտության ղեկավար Խոսեպ Բորելի խոսքերը, ասել էր, որ Կիևի ռեժիմի հարցով ուկրաինական իրադարձությունների վերաբերյալ տրիբունալ է անցկացվելու։ «Դատարան կլինի նրանց համար, ովքեր իսկապես մեղավոր են այն ամենի համար, ինչ տեղի ունեցավ: Բայց ոչ թե Ռուսաստանի ղեկավարության, այլ Կիևի ռեժիմի համար»,- խոստացել է դիվանագետը։
