Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին մտադիր է երկուշաբթի օրը հանդիպել Իրանի ատոմային էներգիայի կազմակերպության ղեկավարի հետ՝ քննարկելու Իրանի միջուկային ծրագրի հետ կապված խնդիրները։
«ՄԱԳԱՏԷ-ն միջուկային կարգավորողն է, և մենք լրջորեն ենք վերաբերվում մեր գործին: Մենք պետք է կանխենք միջուկային զենքի տարածումը և համոզվենք, որ այս բարիքը՝ խաղաղության և զարգացման միջուկային էներգիան, չվերածվի ոչնչացման և տառապանքի գործիքի»,- ասել է Գրոսին ՄԱԳԱՏԷ-ի Գլխավոր կոնֆերանսի 66-րդ տարեկան նստաշրջանում:
«Ավելի ու ավելի շատ երկրներ են շարժվում դեպի միջուկային էներգիա: Ներկայումս մենք ունենք մի քանի խնդիրներ, այդ թվում՝ վերնագրերում հայտնված հարցերը, որոնք մենք պետք է լուծենք Իրանի Իսլամական Հանրապետության հետ: Ես ողջունում եմ Իրանի միջուկային գործակալության նախագահին, ում մենք կհանդիպենք այսօր ավելի ուշ, որովհետև մենք պետք է ընդհանուր լուծումներ փնտրենք խնդիրների համար, որոնք չեն վերանա, եթե դրանք չլուծենք համագործակցության միջոցով»,- նշել է նա։
