Ադրբեջանը քննարկել է Երևանում կայանալիք «Մանկական Եվրատեսիլ-2022» մրցույթին ադրբեջանական կողմի մասնակցության հարցը:
Ըստ ադրբեջանական APA գործակալության՝ Երևանում դեկտեմբերի 11-ին կայանալիք մրցույթին Ադրբեջանը չի մասնակցի։
Հիշեցնենք՝ Հայաստանը ներկայացնող 14-ամյա Մալենան հաղթել էր «Մանկական Եվրատեսիլ 2021»-ում: Մրցույթը ընթացել էր Ֆրանսիայի մայրաքաղաք Փարիզում: Մալենան ելույթ էր ունեցել 9-րդ համարի ներքո և կատարել «Քամի-քամի» ստեղծագործությունը:
Մրցույթի այս տարվա խորհրդանիշը միջազգայնորեն ճանաչված խաղալիք է՝ հոլը, որի այս տեսակը հատուկ է հայկական մշակույթին և զարդարված է ազգային նախշերով:
