Հիմա ով էլ փոխարինի Փաշինյանին, գուցե ավելի վատ փաստաթուղթ ստորագրի. Լ․ Տեր-Պետրոսյան

-Ընդդիմության մեծագույն մասը կարծում է, որ եթե Նիկոլ Փաշինյանից կարողանան ազատվել, ապա մենք կարող ենք խուսափել այդպիսի ցավոտ լուծումներից, ինչպես սպասում է Ադրբեջանը։ Սա միամտություն է։ Ով էլ գա նույնը, և գուցե էլ ավելի վատ փաստաթուղթ ստորագրի,- Հանրայինի եթերում ասաց ՀՀ առաջին նախագահ Լևոն Տեր-Պետրոսյանը։

-Ընդդիմության ողջ թեզը կառուցված է այն հիմնավորման վրա, որ եթե Նիկոլ Փաշինյանը գնա, իրենք կգան և կփոխվի վիճակը,-Պետրոս Ղազարյանի այս դիտարկմանը Առաջին նախագահը պատասխանեց, որ չի կարող այդպես լինել, քանի որ նրանք (ընդդիմությունը) չգիտեն, թե այսօր ինչ է պահանջվում Հայաստանից։ Ոչ ոք չի կարող, քանի որ պետք է տիրապետել այդ ինֆորմացիային, որի միակ տերը Նիկոլ Փաշինյանն է։  Ներկա պահին ով էլ փոխարինի Նիկոլ Փաշինյանին, գուցե ավելի վատ փաստաթուղթ ստորագրի։