ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը հանձնաժողովի մեկ այլ անդամ, սենատոր Մարկո Ռուբիոյի հետ միասին ներկայացրել է երկկուսակցական համատեղ բանաձև, որով կոչ է արվում դադարեցնել անվտանգային աջակցությունն Ալիևի վարչակարգին և դատապարտել Բաքվի անօրինական ու չսադրված հարձակումը Հայաստանի ինքնիշխան տարածքի վրա։
Այս մաին հայտնում է Ամերիկայի հայկական ասամբլեան։
Բանաձևում հատուկ ընդգծվում է Ազատության աջակցության ակտի 907-րդ ուղղման կիրառման անհրաժեշտությունը, որով արգելվում է ԱՄՆ աջակցությունն Ադրբեջանին մինչև այն պահը, երբ Բաքուն կդադարեցնի Հայաստանի ու Լեռնային Ղարաբաղի դեմ հարձակվողական ուժի և շրջափակման կիրառումը։
Ի լրումն դրա՝ բանաձևը նախագահ Ջո Բայդենին կոչ է անում դիտարկել արդյոք ադրբեջանցի պաշտոնյաները պետք է պատժամիջոցների ենթարկվեն Մագնիտսկու մարդու իրավունքների հաշվետվողականության ակտի համաձայն։
