Հարավային Կովկասում Ֆրանսիայի հատուկ դեսպանորդ Բրիս Ռոքֆեյը մինչև շաբաթվա վերջ կայցելի Ադրբեջան եւ Հայաստան՝ կողմերի միջև չլուծված հարցերի կարգավորմանը նպաստելու համար: Այս մասին չորեքշաբթի հայտնել է Ֆրանսիայի ԱԳՆ պաշտոնական ներկայացուցիչը՝ ճեպազրույցի ընթացքում պատասխանելով լրագրողների հարցերին։
Ֆրանսիան, ինչպես ընդգծել են ԱԳՆ-ում, «այսուհետ ևս աջակցություն կցուցաբերի բանակցությունների միջոցով բոլոր հարցերի լուծման հարցում»:
Ֆրանսիայի ԱԳՆ-ից նաև հայտնել են, որ Ռոքֆեյը նաև կայցելի Վրաստան, որպեսզի «ամրապնդի երկխոսությունը Վրաստանի իշխանությունների հետ տարածաշրջանային հարցերի և ԵՄ-ի հետ հարաբերությունների շուրջ»:
