Բերդ խոշորացված համայնքում սեպտեմբերի 25֊ին կայացած ընտրությունների արդյունքներն ըստ ԿԸՀ֊ի` հետևյալ պատկերն ունի`
«Զորավոր համայնք» դաշինք` (Հարություն Մանուչարյանի գլխավորությամբ) 5683 քվե, ՔՊ` 4297, «Արժանապատիվ սերունդ» դաշինք` 1095 քվե։
«Արժանապատիվ սերունդ»-ը և ՔՊ֊ն գումարային հաշվով ունեն 10 մանդատ։
Հարություն Մանուչարյանի գլխավորած՝ «Զորավոր համայնք» դաշինքն ունի 11 մանդատ։ Բայց, քանի որ ցուցակը գլխավորող Հարություն Մանուչարյանը կալանավորված է, հետևաբար չի կարող ներկա գտնվել և քվեարկել ավագանու նիստում, որտեղ քվեարկությամբ պետք է համայնքապետ ընտրվի։
Քաղաքական տրամաբանությունը հուշում է, որ Հարություն Մանուչարյանի կողմնակիցները չեն ներկայանա ավագանու նիստին, և այն չի կայանա․ ՏԻՄ ընտրությունների ստեղծած իրավիճակը հերթական համայնքում կարող է ճգնաժամ հարուցել։
Ընդ որում՝ այսօր նշանակված է նաև պաշտոնեական լիազորությունների չարաշահման մեջ մեղադրվող համայնքապետ Հարություն Մանուչարյանի գործով հերթական դատան նիստը։
Թիվ 1-ը հետևում է զարգացումներին, և իրավիճակի հանգուցալուծման օրինական քայլերի հաջորդականության մասին կտեղեկացնենք հաջորդիվ։
