«Առաջիկայում Հայաստանի պետականության, հայ ժողովրդի հարատևությանն առնչվող կարևոր որոշումներ են առնվելու։
Հակառակորդը գործում է ոչ միայն սահմանին, այլև երկրի ներսում։ Օտարերկրյա գործակալական շղթան սպասում է գործելու իր հերթին։
Քաղաքական իշխանությունը իր որոշումներում պետք է ելնի միայն Հայաստանի Հանրապետության պետականության, ինքնիշխանության և ժողովրդավարության պաշտպանության սրբազան առաքելության դիրքերից։
Հույս ունեմ, որ հայաստանյան քաղաքական, հասարակական ուժերը մի կողմ կդնեն տարաձայնությունները, քաղաքական, անձնական շահերը, անվերապահորեն կկանգնեն պետականության և ժողովրդավարության պաշտպանության դիրքերում»,- գրել է «Հանուն Հանրապետության» կուսակցության ղեկավար Արման Բաբաջանյանը։
