Իսպանիայի խորհրդարանի պատգամավոր Ջոն Ինյարիտուն անդրադառնալով ռազմական հանցագործության կադրերով տեսանյութին, այն անվանել է բարբարոսություն:
Պատգամավորը «Թվիթեր»-ի իր միկրոբլոգում գրել է. «Ադրբեջանական ռեժիմի հերթական բարբարոսությունը: Եվ սրա՞նք են այն մարդիկ, ում հետ համաձայնագիր եք կնքել և ում համարում եք վստահելի գործընկեր, տիկին ֆոն Դեր Լեյեն»:
Ինյարիտուն նաև տեղադրել է այդ ռազմական հանցագործության կադրերով տեսանյութը։
Նշենք, որ պատգամավորը դիմելով ֆոն Դեր Լեյենին նկատի է ունեցել Եվրոպական հանձնաժողովի նախագահի և Ադրբեջանի նախագահ Իլհամ Ալիևը հուլիսի 18-ին փոխըմբռնման հուշագիր ստորագրելը՝ էներգետիկ ոլորտում ռազմավարական գործընկերության վերաբերյալ։
