Ուկրաինայի զինված ուժերն ազատագրել են օկուպացված Խերսոնի շրջանի երկու բնակավայր՝ Արխանգելսկը և Միրոլյուբովկան։ Այս մասին հայտարարել է Ուկրաինայի նախագահ Վլադիմիր Զելենսկին՝ ելույթ ունենալով ժողովրդին՝ պատերազմի 221-րդ օրվա արդյունքներով։
-Ամեն օր առնվազն երկու անգամ՝ առավոտյան և երեկոյան, հաղորդումներ եմ ստանում մեր զինվորականներից։ Այս շաբաթ զեկույցներում ամենամեծ մասը զբաղեցնում է մեր պաշտպանական գործողության շրջանակներում հակառակորդից ազատագրված բնակավայրերի ցանկը։ Դոնեցկի շրջանի Լիմանի ազատագրման պատմությունն այժմ ամենաշատն է շրջանառվում լրատվամիջոցներում։ Բայց մեր մարտիկների հաջողությունները միայն Լիմանով չեն սահմանափակվում։ Գիտե՞ք, սա նման միտում է… Վերջերս ինչ-որ մեկը ինչ-որ տեղ կեղծ հանրաքվեներ էր անցկացնում, և երբ ուկրաինական դրոշը վերադառնում է, ոչ ոք չի հիշում ռուսական ֆարսը ինչ-որ թղթերով և ինչ-որ անեքսիաներով: Բացառությամբ, իհարկե, Ուկրաինայի իրավապահ մարմինների։ Որովհետև յուրաքանչյուր ոք, ով ներգրավված է մեր պետության դեմ ագրեսիայի որևէ տարրի մեջ, պատասխանատվություն է կրելու դրա համար,- նշել է Զելենսկին։
Հոկտեմբերի 1-ին հայտնի դարձավ, որ ուկրաինացի զինվորականները հակահարձակման շրջանակներում մուտք են գործել Դոնեցկի շրջանի Լիման։ Ռուսաստանի Դաշնության պաշտպանության նախարարությունը հաստատել է քաղաքից զորքերի դուրսբերումը «ավելի շահավետ գծեր»՝ շրջապատման սպառնալիքի պատճառով։
Դա տեղի է ունեցել Վլադիմիր Պուտինի կողմից Կրեմլում Ռուսաստանի կողմից օկուպացված Ուկրաինայի շրջանների՝ Զապորոժիեի և Խերսոնի շրջանների, ինչպես նաև ինքնահռչակ ԴԺՀ-ի և ԼԺՀ-ի բռնակցման մասին համաձայնագրերի ստորագրումից հաջորդ օրը:
Աղբյուրը՝ Meduza.io
