Եվրախորհրդարանի գերմանացի պատգամավոր Վիոլա ֆոն Կրամոն-Տաուբադելը մեկնաբանել է Հարավային Կովկասում ԵՄ հատուկ ներկայացուցիչ Տոյվո Կլաարի վերջին թվիթը՝ պահանջելով պատժամիջոցներ կիրառել ադրբեջանցի պատերազմական հանցագործների նկատմամբ:
Հիշեցնենք` Կլաարը երկրորդ թվիթում նշել էր, որ ստացել է պատերազմական հանցագործությունների մասին նոր տեսանյութեր, որոնք պետք է ստուգվեն և դրանց պարզվելու դեպքում` պատժվեն հանցանք իրականացրած կողմերը:
Կրամոն-Տաուբադելն իր մկենաբանության մեջ գրել է. «Մենք արդեն գիտենք Ադրբեջանի բանտերում խոշտանգումների այլ դեպքերի մասին էլ, գիտենք նրանց, ովքեր ներգրավված են դրանցում: Մենք գիտենք նրանց անուններն ու շտապ անհրաժեշտ են անհատական պատժամիջոցներ այս հանցագործների դեմ»:
Հիշեցնենք՝ երեկ սոցիալական ցանցերում տեսանյութ էր տարածվել, որում կադրեր էին, թե ինչպես են ադրբեջանցի զինծառայողները գնդակահարում հայ գերիների մի խմբի:
