Անհպում գործարքները թափ են հավաքում ամբողջ աշխարհում ավելի մեծ թվով տրանսպորտային օպերատորների կողմից թվային տեխնոլոգիաների անցնելուն զուգահեռ։
Գնալով մեծանում է ուղևորների թիվը, որոնք հանրային տրանսպորտով երթևեկելիս հարմարավետություն են ակնկալում: Visa-ի վերջին «Քաղաքային շարժունակության ապագան» թեմայով հարցումը ցույց է տալիս` ուղևորների 91 տոկոսն ակնկալում է, որ հանրային տրանսպորտը կառաջարկի անհպում վճարումներ։ Հարցվածների գրեթե մեկ երրորդն էլ անհպում վճարումները նշել է որպես հիմնական գործոն, որը նրանց կմղի օգտվել տրանսպորտի այդ տեսակից։
Ըստ նույն հետազոտության՝ ուղևորների մեծ մասը (88 տոկոս) որպես հանրային տրանսպորտից իրենց օգտվելու հաճախականության գործոն առանձնացրել են կայունությունը և շրջակա միջավայրը, ընդ որում՝ աշխատող ուղևորների մեծ մասը (62 տոկոս) հանրային տրանսպորտից շաբաթական օգտվում է առնվազն երեք օր:
«Tap-to-ride» տեխնոլոգիան, որն ուղևորներին թույլ է տալիս ուղեվարձ վճարելու նպատակով կցել իրենց գործող քարտը կամ շարժական դրամապանակը, շատ ավելի հարմար է, քան հստակ մանրադրամ ունենալու կամ մետրոյի քարտը լիցքավորված պահելու մասին անհանգստանալու կարիքը: Visa-ն օգնել է հանրային տրանսպորտի համար անհպում վճարումների հնարավորություն ներդնել ամբողջ աշխարհի քաղաքներում՝ Բանգկոկից մինչև Մեխիկո, Ռիո և այլուր՝ միաժամանակ աջակցելով ավելի քան 550 քաղաքային շարժունակության նախաձեռնությունների 2011 թվականին հանրային տրանսպորտի համար «tap-to-pay» տեխնոլոգիան գործարկելուց հետո:
Թվային վճարումների արագ աճը վկայում է այն մասին, թե որքան գրավիչ է այս տարբերակը դարձել սպառողների համար: Պատմության մեջ առաջին անգամ Visa-ի ցանցը համաշխարհային տրանսպորտային համակարգերում մեկ տարվա ընթացքում մշակել է ավելի քան մեկ միլիարդ անհպում գործարք: Եվրոպային բաժին է ընկնում այդ գործարքների ամենամեծ մասնաբաժինը, այդ թվում՝ Լոնդոնի հանրային տրանսպորտի համակարգում օրական կտրվածքով մշակվող ավելի քան չորս միլիոն գործարքները, թեպետ աճ արձանագրվում է յուրաքանչյուր տարածաշրջանում։ Հյուսիսային Ամերիկային էլ բաժին է ընկնում հանրային տրանսպորտից օգտվելու համար յուրաքանչյուր հինգերորդ անհպում վճարումը։ Անհպում վճարումների տեխնոլոգիան ապացուցել է տրանսպորտային գործակալությունների համար իր շահութաբերությունը՝ ի հավելումն հաճախորդներին առաջարկելով հարմարավետության և ճկունության:
Միևնույն հիմքով անհպում տեխնոլոգիան աջակցում է նաև Visa Prepaid և Private Label քարտերին, որոնք թվային ուղևորատոմսերը հասանելի են դարձնում հանրային տրանսպորտից բոլոր օգտվողների համար՝ անկախ նրանց ֆինանսական վիճակից կամ բանկային հաշվի հասանելիությունից, ինչը կարևոր դեր է խաղում ամբողջ աշխարհում ֆինանսական ծառայությունների հասանելիության գործում:
Visa-ն աշխատում է քաղաքների, քաղաքաշինական կառույցների, տրանսպորտային իշխանությունների, օպերատորների և լուծումներ մատակարարողների հետ՝ վերաիմաստավորելու քաղաքային երթևեկությունը՝ կենտրոնանալով ներառական, կայուն և փոխկապակցված բազմամոդալ փոխադրումների վրա: Դիմակայուն քաղաքների ցանցի (Resilient Cities Network) միջոցով Visa-ն համագործակցել է Լատինական Ամերիկայի և Կարիբյան ավազանի մի շարք քաղաքների հետ՝ համատեղ մշակելու իրենց յուրահատուկ խնդիրների վերացմանն ուղղված թվային լուծումներ։
Visa-ն նաև աշխատում է Համաշխարհային տնտեսական ֆորումի «Գլոբալ նոր շարժունակության կոալիցիա» (Global New Mobility Coalition) նախաձեռնության հետ, որը ձգտում է ավելի լավ հասկանալ խնդիրներն ու լուծումները՝ ստեղծելու ընդհանուր, միակցված և ապակարբոնացված շարժունակության էկոհամակարգ: Թիմը վերջերս ուսումնասիրել է ուղեվարձի վճարման ոլորտում նորարարության ազդեցությունը կայունության վրա. տրանսպորտային վճարումների ոլորտում նորարարությունը մարդկանց օգնում է տեղաշարժվել՝ միաժամանակ պաշտպանելով մոլորակը:
Վերջին 60 տարվա ընթացքում Visa-ն համագործակցում է պետական մարմինների հետ, որպեսզի վերափոխի մարդկանց կողմից գործարքների կատարելու, տեղաշարժվելու և աճի եղանակները՝ ամբողջ աշխարհում տնտեսությունները զարգացնելու և հասարակական բարեկեցության մակարդակը բարձրացնելու նպատակով: Բոլորի կողմից և ամենուր իրենց ուղեվարձը վճարելու ուղղությամբ հեղափոխությունն ամենավերջին այդպիսի քայլն է, որով մենք օգնում ենք անել դա:
Visa-ի գլոբալ քաղաքային շարժունակության նախաձեռնությունների մասին ավելին իմանալու համար այցելեք Visa-ի Գլոբալ քաղաքային շարժունակության էջը: Visa’s «Քաղաքային շարժունակության ապագան» խորագրով հարցման մասին ավելին կարող եք իմանալ այստեղ:
Visa-ն (NYSE: V) թվային վճարումների ոլորտում համաշխարհային առաջատարն է, որը վճարային գործարքներ է ապահովում ավելի քան 200 երկրների ու տարածքների սպառողների, բիզնեսների, ֆինանսական հաստատությունների և պետական կառույցների միջև: Մեր առաքելությունն աշխարհի միակցումն է առավել նորարարական, հուսալի և անվտանգ վճարային ցանցի միջոցով՝ բարգավաճելու հնարավորություն ընձեռելով առանձին անհատներին, բիզնեսներին և տնտեսություններին: Մենք հավատում ենք, որ տնտեսության մեջ բոլորի համար հասանելիության ընդլայնումն օգնում է բարձրացնել մարդկանց բարեկեցությունն ամբողջ աշխարհում և ապագայում հիմք կհանդիսանա փողի համաշխարհային շարժի համար։ Լրացուցիչ տեղեկության համար այցելեք cis.visa.com կայք:
