Ռուսաստանի խորհրդարանի վերին պալատը՝ Դաշնության խորհուրդը այսօր վավերացրեց ուկրաինական չորս շրջանները Ռուսաստանին բռնակցելու համաձայնագրերը։
Դաշնության խորհրդի խոսնակ Վալենտինա Մատվիենկոն մինչ քվեարկությունը դիմելով սենատորներին ասաց․ – «Համոզված եմ՝ այսօր մենք կընդունենք բախտորոշ, երկար սպասված և միակ ճիշտ որոշումը»։
Փաստաթղթային առումով դրանք 4 համաձայնագրեր են՝ ստորագրված Ռուսաստանի նախագահի և Դոնեցկի, Լուգանսկի, Խերսոնի և Զապորոժիեի մարզերի ռուսական վարչակազմերի ղեկավարների միջև։
Դրանցից յուրաքանչյուրն առաձին դրվեց քվեարկության և վավերացվեց միաձայն։
Աղբյուրը՝ Azatutyun.am
