Ուկրաինայի ԱԽ-ն անհնար է համարում Վլադիմիր Պուտինի հետ բանակցելը

Վլադիմիր Զելենսկին հաստատել է Ուկրաինայի ազգային անվտանգության պետխորհրդի որոշումը՝ Վլադիմիր Պուտինի հետ բանակցություններ անցկացնելու անհնարինության մասին: Դա տեղի է ունեցել՝ ի պատասխան Ուկրաինայի տարածքներն անեքսիայի ենթարկելու՝ Ռուսաստանի քայլերի։

Պատերազմի հենց սկզբում Զելենսկին կոչ էր անում Պուտինին՝ անձամբ հանդիպել։ Սակայն անցյալ շաբաթ, երբ օկուպացված տարածքներում հաշվարկել էին, այսպես կոչված, «հանրաքվեների» արդյունքները, Զելենսկին հայտարարել էր, որ մտադիր չէ բանակցություններ վարել Պուտինի հետ։

«Ակնհայտ է, որ Ռուսաստանի այս նախագահի հետ դա հնարավոր չէ։ Նա չգիտի, թե ինչ է արժանապատվությունը և ազնվությունը։ Մենք պատրաստ ենք Ռուսաստանի հետ երկխոսության, բայց՝ արդեն Ռուսաստանի հաջորդ նախագահի հետ»,- հայտարարել էր Զելենսկին։