Մենք ևս մեկ անգամ կոչ ենք անում անհապաղ ազատ արձակել բոլոր հայ գերիներին: Այս մասին նշված է Կիպրոսի ԱԳՆ հայտարարության մեջ։
«Կիպրոսի արտգործնախարարությունը սարսափած է Ադրբեջանի զինված ուժերի կողմից անզեն հայ ռազմագերիների գնդակահարության կապակցությամբ:
Մենք ևս մեկ անգամ կոչ ենք անում անհապաղ ազատ արձակել բոլոր հայ գերիներին, ինչպես նաև մանրակրկիտ հետաքննել մահապատիժների դեպքերը և պատասխանատվության ենթարկել մեղավորներին»,- ասված է փաստաթղթում:
Հիշեցնենք՝ օրերս սոցիալական ցանցերում տեսանյութ էր տարածվել, որում կադրեր էին, թե ինչպես են ադրբեջանցի զինծառայողները խմբակային մահապատժի ենթարկում ու գնդակահարում հայ գերիների մի խմբի:
