Facebook սոցիալական ցանցը (պատկանում է Meta-ին, որը ճանաչվում է որպես ծայրահեղական և արգելված Ռուսաստանում) սկսել է օգտատերերին առաջարկել թարմացվող բովանդակությունը անհատականացնելու նոր ուղիներ։ Այս մասին հայտնում է TechCrunch տեխնոլոգիական հրատարակությունը՝ վկայակոչելով հարթակի ներկայացուցիչների հայտարարությունը։
Հոկտեմբերի 5-ից սոցիալական ցանցը թեստային ռեժիմում ինտեգրել է հնարավորություն օգտատերերի համար՝ ընտրելու, թե որ գրառումներն են ցանկանում ավելի հաճախ տեսնել իրենց ֆիդում՝ օգտագործելով նոր կոճակները՝ Show more «Ցույց տալ ավելին» և Show less «Ցույց տալ ավելի քիչ» հրապարակումների ներքո։
Ըստ ընկերության՝ եթե օգտատերն ընտրի «Ցույց տալ ավելին» տարբերակը, ապա սոցցանցը ժամանակավորապես կբարձրացնի այս գրառման և նմանատիպ հրապարակումների վարկանիշը, իսկ եթե սեղմի «Ցույց տալ ավելի քիչ» կոճակը, ժամանակավորապես կիջեցնի վարկանիշը։ Facebook-ի ներկայացուցիչների կարծիքով՝ կատարված ընտրությունը կազդի այն հրապարակումների վրա, որոնք օգտատերը տեսնում է ֆիդում առաջիկա 60 օրվա ընթացքում։
Մանրամասները՝ սկզբնաղբյուրում։
