Այս տարի բիթքոյնների առևտրի օրական ծավալի 51%-ը կապված էր ֆիկտիվ գործարքների հետ։ Այս մասին հայտնում են BanklessTimes պորտալի վերլուծաբանները։
«Մտահոգություններ կան, որ բիթքոյնների առևտրի ամենօրյա ծավալի հսկայական մասը ֆիկտիվ է», – ասաց BanklessTimes-ի գործադիր տնօրեն Ջոնաթան Մերրին: Նրա խոսքով՝ շուկայում նման իրավիճակը «կասկածի տակ է դնում փոխանակումների օրինականությունը և տվյալների հավաստիությունը»։
Հաճախ ֆիկտիվ գործարքները կնքվում են մի սխեմայով, որտեղ ակտիվները միաժամանակ վաճառվում և գնվում են նույն հարթակում: Ըստ վերլուծաբանների՝ նման գործառնություններն ուղղված են առևտրի ծավալների ուռճացմանը։ Սա, իր հերթին, կարող է նոր հաճախորդներ ներգրավել դեպի կայք կամ որոշակի կրիպտոարժույթն ավելի հայտնի դարձնել: Բացի այդ, ֆիկտիվ առևտուրը հաճախ կապված է stablecoin-ներով գործարքների հետ:
Աղբյուրը՝ snob.ru
