Նախագահ Միլոշ Զեմանի հրավերով չորեքշաբթի օրը Չեխիա ժամանած Կատարի էմիր շեյխ Թամիմ բեն Համադ Ալ Թանին ժամանակից շուտ ընդհատել է իր եռօրյա այցը և նույն օրը լքել Պրահան։
Դիվանագիտական աղբյուրներին հղումով, այս մասին այսօր հայտնել է Deník N տեղեկատվական պորտալը։
Նշվում է, որ էմիրը «պահանջներ է առաջ քաշել, որոնք չեխական դիվանագիտությունը չի կարողացել բավարարել»։ Նա Պրահայից մեկնել է չորեքշաբթի՝ տեղական ժամանակով ժամը 22:00-ի սահմաններում:
Չեխիայի մայրաքաղաքում Կատարի ղեկավարը, որի աշխատանքային ծրագրում ընդգրկված էին հոկտեմբերի 5-ին, 6-ին և 7-ին պաշտոնական միջոցառումներ, միայն բանակցություններ է վարել Զեմանի հետ և հանդիպել հանրապետության վարչապետ Պետր Ֆիալայի հետ։
Ուրբաթ օրը նա պետք է հանդիպեր ԵՄ առաջնորդների հետ Պրահայի ամրոցում պետությունների և համայնքների կառավարությունների ղեկավարների առաջիկա ոչ պաշտոնական գագաթնաժողովի շրջանակներում:
Պաշտոնական Պրահայի ներկայացուցիչ Իրժի Օվչաչեկը ավելի վաղ հայտնել էր, որ բնական գազի զգալի պաշարներ ունեցող Կատարի հետ բանակցությունները կարող են օգնել հաղթահարել հանրապետության կախվածությունը Ռուսաստանի Դաշնությունից այս տեսակի հումքի մատակարարումից։
Էմիրի այցն առաջինն էր Չեխիայի և Կատարի հարաբերությունների պատմության մեջ:
