2022 թվականի Խաղաղության Նոբելյան մրցանակը շնորհվել է Ռուսաստանում դատարանի որոշմամբ լուծարված ռուսական «Մեմորիալ» իրավապաշտպան կազմակերպությանը։ Այս մասին հայտնել է Նոբելյան կոմիտեն։
Բացի այդ, խաղաղության մրցանակ են ստացել նաև բելառուս իրավապաշտպան, «Վիասնա» իրավապաշտպան կենտրոնի նախագահ Ալես Բիալյացկին և «Քաղաքացիական ազատությունների կենտրոն» ուկրաինական կազմակերպությունը։
«Խաղաղության մրցանակակիրները ներկայացնում են իրենց երկրներում քաղաքացիական հասարակությունը: Նրանք երկար տարիներ պաշտպանել են իշխանություններին քննադատելու և քաղաքացիների տարրական իրավունքները պաշտպանելու իրավունքը։ Նրանք ակնառու ջանքեր են գործադրել ռազմական հանցագործությունների, մարդու իրավունքների խախտումների և իշխանության չարաշահումների փաստագրման համար: Նրանք միասին ցույց են տալիս քաղաքացիական հասարակության կարևորությունը խաղաղության և ժողովրդավարության համար», – հայտնել է կոմիտեն:
BREAKING NEWS:
— The Nobel Prize (@NobelPrize) October 7, 2022
The Norwegian Nobel Committee has decided to award the 2022 #NobelPeacePrize to human rights advocate Ales Bialiatski from Belarus, the Russian human rights organisation Memorial and the Ukrainian human rights organisation Center for Civil Liberties. #NobelPrize pic.twitter.com/9YBdkJpDLU
