Նյու Յորքի քաղաքապետ Էրիկ Ադամսը հայտարարել Է արտակարգ դրության մասին՝ քաղաք ժամանող անօրինական միգրանտների մեծ հոսքի պատճառով: Այս մասին հայտնում է ՏԱՍՍ-ը։
Պաշտոնյայի խոսքով ՝ արտակարգ դրության ռեժիմ է սահմանվել անօթևանների կացարանների համակարգի ծանրաբեռնվածության պատճառով, քաղաքում գիշերակաց է փնտրում ավելի քան 60 հազար մարդ։ Նրանցից գրեթե 20 հազարը երեխաներ են:
Ադամսը տեղի ունեցածն անվանում է հումանիտար ճգնաժամ. մեկ ամսվա ընթացքում՝ մայիսից մինչև հունիս, ԱՄՆ-ի սահմանները հատել է ավելի քան 11 հազար մարդ, նրանցից շատերը փաստացի «արտաքսվել» են Տեխասի պես հարավային նահանգներից դեպի հյուսիս: Քաղաքային իշխանություններն արդեն 23 ժամանակավոր ապաստան են բացել, որպեսզի հաղթահարեն միգրանտների հոսքը։
