Ի պատասխան լրատվամիջոցների հաղորդագրություններին, որոնք պնդում են, որ «ԳեոՊրոՄայնինգ գոլդ»-ը իբր պատրաստի արտադրանք է արտահանում Թուրքիա, ընկերությունը ներկայացնում է հետևյալ պարզաբանումը.
««ԳեոՊրոՄայնինգ գոլդ»-ը, որը շահագործում է Սոթքի ոսկու հանքավայրը և որին պատկանում է Արարատի ոսկու կորզման ֆաբրիկան, իր պատմության ողջ ընթացքում երբեք պատրաստի Դորե արտադրանքը չի արտահանել Թուրքիա։
Նախորդ տարիներին Դորե ձուլակտորներն արտահանվել են Կանադա, Շվեյցարիա: Ներկայումս արտադրանքի արտահանումը բաժին է ընկնում ԱՄԷ-ին և Հնդկաստանին». հայտնում է ընկերության մամուլի ծառայությունը։
Նշենք, որ ընկերությունն արտադրում է ոչ թե ապրանքային ոսկի, այլ միայն Դորե համաձուլվածք։
«Այսպիսով, լրատվամիջոցների հրապարակումները բացարձակ սուտ բնույթ են կրում։
Ներկայումս Հայաստանում են «ԳեոՊրոՄայնինգ գոլդի» գործընկերներ Paloma Precious DMCC (ԱՄԷ) և Sovereign Metals Limited (Հնդկաստան) ընկերություններից, որոնք զբաղվում են Դորե համաձուլվածքի վերամշակմամբ՝ ընկերության արտադրական գործընթացներին ծանոթանալու և համագործակցության կապերն ամրապնդելու նպատակով։
«ԳեոՊրոՄայնինգ գոլդը» կոչ է անում լրատվամիջոցների ներկայացուցիչներին, որոնցից ոմանք ընկերության դեմ կողմնակալ տեղեկատվական քաղաքականություն են վարում, պատասխանատվություն ստանձնել իրենց հրապարակումների բովանդակության համար և բացառել դրանցում կեղծ և ապակողմնորոշող տեղեկությունները»:
