Ուկրաինայի նախագահ Վլադիմիր Զելենսկին և Գերմանիայի կանցլեր Օլաֆ Շոլցը պայմանավորվել են G7-ի հրատապ նիստ գումարել։ Այս մասին Զելենսկին հայտնել է Twitter-ում։
«Մեծ յոթնյակում նախագահող Գերմանիայի կանցլեր Օլաֆ Շոլցի հետ պայմանավորվել ենք խմբի հրատապ նիստ հրավիրելու մասին»,- հայտնել է նա։
Նախագահի խոսքով՝ հանդիպմանը նախատեսված է իր ելույթը, որում նա կխոսի Ռուսաստանի Դաշնության ահաբեկչությունների մասին։
«Մենք քննարկել ենք նաև Ռուսաստանի վրա ճնշումների ավելացումը և վնասված ենթակառուցվածքները վերականգնելու հարցում օգնությունը»,- հավելել է Զելենսկին։
Ավելի վաղ հայտնել էինք, որ այսօր առավոտից գնդակոծվել են Ուկրաինայի մայրաքաղաք Կիևն ու մի շարք այլ քաղաքներ։ Քաղաքում օդային տագնապի մասին ահազանգից հետո որոտացել է մի քանի պայթյուն, կան զոհեր և տուժածներ։
