Մոսկվան կոշտ պատասխան կտա Ռուսաստանի տարածքում ուկրաինական իշխանությունների կազմակերպած ահաբեկչական հարձակումներին։ Այս մասին ասել է Վլադիմիր Պուտինը Անվտանգության խորհրդի նիստում։
Պետության ղեկավարն ընդգծել է, որ Ղրիմի կամրջի վրա տեղի ունեցած պայթյունի հետևում կանգնած է Կիևի ռեժիմը։
«Դատաբժշկական և այլ փորձաքննությունների տվյալները, ինչպես նաև օպերատիվ տվյալները ցույց են տալիս, որ հոկտեմբերի 8-ի պայթյունը ահաբեկչական գործողություն է: Ահաբեկչություն, որի նպատակն է ոչնչացնել Ռուսաստանի քաղաքացիական կարևոր ենթակառուցվածքը: Ակնհայտ է նաև, որ պատվիրատուները, կազմակերպիչները և հեղինակները։
Ահաբեկչությունն իրականացրել են ուկրաինական հատուկ ծառայությունները»,- ասել է Պուտինը։
Բացի այդ, Ռուսաստանի ղեկավարը մեղադրել է Ուկրաինային միջուկային ահաբեկչության՝ Զապորոժյեի ատոմակայանի գնդակոծման և Կուրսկի ատոմակայանի դիվերսիայի փորձերի մեջ։
Նա նաև շեշտել է, որ ՌԴ պաշտպանության նախարարության առաջարկով և ՌԴ Գլխավոր շտաբի պլանի համաձայն, այսօր առավոտյան հեռահար ճշգրիտ սպառազինությամբ զանգվածային հարված է հասցվել Ուկրաինայի էներգետիկ, ռազմական հրամանատարության և կապի օբյեկտներին։
