Ուկրաինայի նախագահ Վլադիմիր Զելենսկին Ռուսաստանին մեղադրել է խաղաղ բնակչության դեմ պատերազմ վարելու համար:
«Լայնամասշտաբ պատերազմի 229-րդ օրն է, 229 օր մեզ փորձում են ոչնչացնել և ջնջել երկրի երեսից, ոչնչացնել մարդկանց, որոնք Զապորոժիեում տանը քնած են: Սպանել մարդկանց, որոնք աշխատանքի են գնում են Դնեպրում և Կիևում»,- գրել է Զելենսկին «Տելեգրամ»-ի իր ալիքում:
Ուկրաինայի նախագահը նաև հորդորել է այսօր չլքել ապաստարանները՝ հիշեցնելով, որ խոշոր քաղաքներում դեռ օդային տագնապի ահազանգեր են հնչում:
Ավելի վաղ հայտնել էինք, որ այսօր առավոտից գնդակոծվել են Ուկրաինայի մայրաքաղաք Կիևն ու մի շարք այլ քաղաքներ։ Քաղաքում օդային տագնապի մասին ահազանգից հետո որոտացել է մի քանի պայթյուն, կան զոհեր և տուժածներ։
