Ֆրանսիայի Սենատը կոչ է անում երկրի կառավարությանը քննարկել Արցախում մարդասիրական գրասենյակ ստեղծելու հարցը, Հայաստանին տրամադրել ամեն տեսակի օգնություններ, մասնավորապես՝ տարածքային ամբողջականության ապահովման նպատակով նրա պաշտպանունակության ամրապնդման հարցում։
Բանաձևի հեղինակները միջնորդում են Ֆրանսիայի կառավարությանը երաշխավորել հայ բնակչության և Հայաստանի անվտանգությունը՝ առաջարկելով այդ նպատակով միջազգային ուժեր տեղակայել։ Սենատորները հաստատում են Արցախի Հանրապետության ճանաչման անհրաժեշտությունը, որը կարող է օգտագործվել որպես տևական խաղաղություն հաստատելու բանակցային գործիք։
