Բայդենը խոստացել է Ուկրաինային ժամանակակից ՀՕՊ համակարգեր մատակարարել

ԱՄՆ նախագահ Ջո Բայդենը Ուկրաինայի նախագահ Վլադիմիր Զելենսկիին խոստացել է մատակարարել ժամանակակից ամերիկյան հակահրթիռային պաշտպանության համակարգեր։ Երկու առաջնորդների զրույցը տեղի է ունեցել հոկտեմբերի 10-ին՝ ուկրաինական քաղաքների ռուսական զանգվածային գնդակոծության օրը։

Բայդենն ասել է, որ դատապարտում է ռուսական հրթիռային հարձակումները Ուկրաինայի վրա, ներառյալ Կիևը, և ​​իր ցավակցությունն է հայտնել «այս անիմաստ հարձակման» հետևանքով զոհվածների և վիրավորների ընտանիքներին և ընկերներին։

ԱՄՆ նախագահը, ասվում է Սպիտակ տան հայտարարության մեջ, նաև ընդգծել է, որ ինքը մշտական ​​կապի մեջ է դաշնակիցների և գործընկերների հետ, որոնք կշարունակեն ամեն ջանք գործադրել Ռուսաստանին պատասխանատվության ենթարկելու ռազմական հանցագործությունների համար և Ուկրաինային տնտեսական, հումանիտար և անվտանգության օգնություն կտրամադրեն։

Աղբյուրը՝ Meduza.io

Թարգմանեց՝ Աստղ Խաչատրյանը