Ամերիկյան Սենթ Լուիսում ավարտվեց Grand Chess Tour մրցաշարը: Հիշեցնենք՝ արագ շախմատի մրցումներից հետո Լևոն Արոնյանն առաջատարն էր, սակայն կայծակնային շախմատի առաջին օրվա պարտիաներից հետո շախմատիստը մի փոքր զիջել էր դիրքերը: Կայծակնային շախմատի մրցաշարի երկրորդ օրն Արոնյանը տարավ 3 հաղթանակ, կրեց 2 պարտություն, ևս 4 խաղ ավարտեց ոչ-ոքի: Վերջնարդյուքնում, հաշվի առնելով նաև արագ շախմատի մրցաշարի արդյունքը, Արոնյանը հավաքեց 22 միավոր: Երկրորդ տեղը զբաղեցրեց չինացի Դին Լիժենը, իսկ երրորդ տեղում ֆրանսիացի Մաքսիմ Վաշյե-Լագրավն է։ Երկու շախմատիստների ակտիվում էլ կա 21․5 միավոր։
Սենթ-Լուիսի մրցանակային ֆոնդը կազմում է 150 հազար դոլար, որից 37,5 հազարը կտրվի հաղթողին:
