ԵՄ անդամ երկրները քննարկում են հակառուսական պատժամիջոցների հաջորդ՝ իններորդ փաթեթի ներդրումը, հաղորդում է ՏԱՍՍ-ը վկայակոչելով ԵՄ Խորհրդում համայնքային երկրներից մեկի պատվիրակության աղբյուրը։
Նրա խոսքով՝ հոկտեմբերի 10-ին Ռուսաստանի դեմ պատժամիջոցների նոր փուլի քննարկում է տեղի ունեցել։
Նա պարզաբանել է, որ ռուսական գազի գնի շեմի սահմանման հարցը դեռ չի քննարկվել։
Ըստ աղբյուրի՝ պատժամիջոցների 9-րդ պոտենցիալ փաթեթը կարող է ներառել ինչպես տնտեսական, այնպես էլ անհատական սահմանափակող միջոցներ։ Այսպիսով, ԵՄ երկրները քննարկում են Ռուսաստանի Դաշնության իրավաբանական և ֆիզիկական անձանց սառեցված ակտիվների հնարավոր բռնագրավումը, սակայն, ինչպես ընդգծում է դիվանագետը, «դա օրենսդրական տեսանկյունից բարդ խնդիր է»։ «Այս փուլում դեռ վաղ է այստեղ ինչ-որ բան ասել»,- ասել է նա։
