Վատագույն սցենարի դեպքում էներգետիկ ճգնաժամը կարող է կրճատել Եվրոպայում ավտոմեքենաների արտադրությունը գրեթե 40 տոկոսով կամ մինչեւ 2023 թվականի վերջը եռամսյակային ավելի քան 1 միլիոն ավտոմեքենա։ Այս մասին ասվում է S&P Global Mobility-ի զեկույցում։
«Եվրոպայում էներգակիրների գների աճի հետ մեկտեղ․․․սաստիկ ձմեռը կարող է վտանգի տակ դնել ավտոմոբիլային արդյունաբերության որոշ ճյուղեր՝ չկարողանալով պահպանել իրենց արտադրական գծերը»,-ասվում է զեկույցում:
Մեքենաների արտադրության ծախսերն արդեն աճել են մինչեւ 687 եւ 773 եվրո մեկ մեքենայի համար նախաէներգետիկ ճգնաժամի 50 եվրո մակարդակից՝ ճնշում գործադրելով հատկապես փոքր մատակարարների վրա:
Այս եռամսյակից մինչեւ 2023 թվականի վերջ S&P Global Mobility-ն կանխատեսում է, որ եռամսյակային արտադրությունը եվրոպական մեքենաների հավաքման գործարաններում կկազմի 4-4,5 միլիոն միավոր: Բայց «կոմունալ ծառայությունների հնարավոր սահմանափակումներով» դրանք կարող են կրճատվել 2,75-3 միլիոն միավոր եռամսյակում:
S&P Global Mobility-ի գլխավոր վերլուծաբան Էդվին Փոուփը Reuters-ին ասել է, որ վերլուծությունը կատարվել է նախորդ ամսվա վերջին Հյուսիսային հոսք խողովակաշարերի հավանական դիվերսիայից առաջ:
Թեեւ ավտոարդյունաբերությունը կարող է գոյատեւել այս ձմռանը, եթե Եվրոպան հաջորդ ձմռան համար ծրագիր չունենա, շատ մատակարարներ կարող են գոյատեւել, ասել է նա: «Ես անհանգստացած եմ, որ տարածաշրջանի բարձր որակավորում ունեցող արդյունաբերություններից մի քանիսը կա՛մ կսնանկանան, կա՛մ պարզապես կփակվեն»,-ասել է Փոուփը։
Աղբյուրը՝ news.am
