Եվրահանձնաժողովը հայտարարել է, որ Եվրամիությանը Թուրքիայի անդամակցության շուրջ բանակցությունները նախկինի պես փակուղում են: Այս մասին չորեքշաբթի գրել է Die Welt թերթը՝ վկայակոչելով իր տրամադրության տակ եղած զեկույցը այն երկրների առաջընթացի մասին, որոնք ցանկանում են միանալ Եվրամիությանը։
Թուրքիայի վերաբերյալ զեկույցը շատ քննադատական է։ «Թուրքիայի հետ անդամակցության բանակցությունները նախկինի պես փակուղում են։ Թուրքիան չի փոխել Եվրամիությանն անդամակցելու ճանապարհին բացասական միտումը։ Ժողովրդավարության, օրենքի գերակայության, հիմնական իրավունքների և դատական համակարգի անկախության ոլորտներում լուրջ ետընթաց է նկատվում»,- ասված է զեկույցում:
Ընդ որում, նշվում է, որ «այդ հարցերի շուրջ երկխոսությունը մնում է ԵՄ-ի և Թուրքիայի հարաբերությունների անքակտելի մասը»:
