Կենտրոն վարչական շրջանի ղեկավարը պարզաբանում է ներկայացրել և հերքել «Ժողովուրդ» օրաթերթում հրապարակված հոդվածի վերաբերյալ, որտեղ նշվում էր, թե Երևանի Կենտրոն վարչական շրջանի ղեկավարին և տեղակալներին աշխատասենյակում ծեծի են ենթարկել։
«Ի պատասխան այսօր «Ժողովուրդ» օրաթերթում հրապարակված հոդվածի` տեղեկացնում եմ, որ նյութը իրականությանը չի համապատասխանում: Նման միջադեպ չի եղել: Նույն լրատվականի կայքում հրապարակման հայտնվելուց հետո հնչել են զանգեր նաև տարբեր լրագրողների կողմից, որոնք հերքվել են մեր կողմից: Հորդորում ենք մտացածին նյութերը հանրության լայն շրջանակների համար քննարկման առարկա չդարձնել և հրապարակել նաև պարզաբանում-հերքումները».- այս մասին գրել է Կենտրոն վարչական շրջանի ղեկավար Սամվել Ղուկասյանը։
