Լավրովի առաջարկած ՀԱՊԿ դիտորդները միայն լեգիտիմացնելու են Ադրբեջանի պահվածքը

«Լավրովի առաջարկած ՀԱՊԿ դիտորդները միայն լեգիտիմացնելու են Ադրբեջանի պահվածքը:

Հայաստանը, սեպտեմբերի 13-ին, ՀԱՊԿ-ից խնդրել էլ ռազմական օգնություն` իր տարածքը պաշտպանելու համար։ Դրա փոխարեն մենք ստացանք ինչ-որ «տուսրիստների» (իբր` դիտորդների) էքսկուրսիա, որոնք էկան, տեսան, բայց առ այսօր չասեցին այն պարզ ճշմարտությունը, որ Ադրբեջանը մտել է Հայաստանի տարածք։

Հետո, ինչպես գիտենք, ԵՄ-ն որոշեց Հայաստան դիտորդներ ուղարկել, ինչը սարսափելի քննադատվեց Մոսկվայի կողմից։

Այսօր էլ Լավրովը հայտարարեց, որ ՀԱՊԿ-ը կարող է նոր «տուրիստներ» ուղարկել, եթե նման որոշում կայացնեն անդամ պետությունների ղեկավարները։

Մի կողմ թողնելով այն, որ դա առանց Լավրովի էլ էր հայտնի, պարզապես ֆիքսենք, որ ՀԱՊԿ-ի ու Ռուսաստանի կողմից առ այսօր չի արձանագրվում այն փաստը, որ ադրբեջանական բանակը իրոք մտել է մեր երկիր։

Եվ ակնհայտ է, որ ՀԱՊԿ նոր դիտորդների այցով ևս չի արձանագրվի այդ պարզ ճշմարտությունը, որը ակնհայտաբար, կարձանագրվի ԵՄ դիտորդների կողմից։

Իսկ Հայաստանի տարածք ներխուժումը չարձանագրող որևէ (ՀԱՊԿ) դիտորդը միայն լեգիտիմացնելու է ադրբեջանական ներխուժումը։

Եվ ուրեմն հարց է առաջանում. Ինչու՞ Ռուսաստանը չի ուզում, որ հայ-ադրբեջանական սահմանին կանգնեն ԵՄ դիտորդներ… Իսկ երբ հասկանում է, որ վերջիններս ամեն դեպքում գալու են, առաջարկում է նաև իր «քոռ» դիտորդներին ուղարկի։

Պատասխանն ակնհայտ է. որ ՀԱՊԿ դիտորդները հերքեն ԵՄ դիտորդներին այն սպասվելիք եզրահանգումը, որ ադրբեջանական բանակը ներխուժել է ՀՀ տարածք (կասեն, որ սահմանային վեճ է)։

Հ.Գ. Արդեն բոլորին է ակնհայտ, որ ՀԱՊԿ-ը մեզ թշնամի է։ Անգամ Նիկոլ Փաշինյանն է «Հավաստի աղբյուրի» միջոցով ասում, որ այդպես է կարծում։ Գրողը տանի, ինչու՞ ենք մենք դեռևս ՀԱՊԿ անդամ»,- գրել է «Իրազեկ քաղաքացիների միավորում» ՀԿ նախագահ Դանիել Իոաննիսյանը։