Ատեստավորում անցած պայմանագրային զինծառայողների աշխատավարձը կբարձրանա։ Կառավարության նիստում հաստատվեց «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» և «Զինվորական ծառայության և զինծառայողի կարգավիճակի մասին» օրենքներում փոփոխությունների նախագիծը։
Ըստ այդմ, պայմանագրային զինվորական ծառայության սպայական, ենթասպայական և շարքային կազմերի զինծառայողների համար սահմանվում է ատեստավորման համակարգ և ատեստավորման արդյունքներով հավելավճարի հաշվարկում։
ՀՀ վարչապետ Նիկոլ Փաշինյանը, անդրադառնալով նախագծին, նշեց. «Ատեստավորում անցած զինվորականների աշխատավարձը կբարձրանա: Նրանք, ովքեր չեն անցնի ատեստավորումը, կշարունակեն աշխատել հին աշխատավարձով և կունենան հետագայում ատեստավորումն անցնելու հնարավորություն»:
