ՀՀ վարչապետ Նիկոլ Փաշինյանը կառավարության նիստում անդրադարձավ Մետրոյի Աջափնյակ կայարանի կառուցմանը։
Նրա խոսքով. «2024թ. պետք է սկսենք Աջափնյակ կայարանի շինարարությունը։ Բայց նաև ուզում եմ հրավիրել երկու հանգամանքի վրա. Երևանի քաղաքապետարանի հետ մենք պետք է մետրոյի ուղևորահոսքերն ավելացնելու ուղղությամբ աշխատենք ու Երևանի տրանսպորտային համակարգը կառուցենք ըստ այդմ։ Հաջորդը՝ մենք 650 մլն դրամ ենք հատկացնում։ Ոչ միայն Մետրոյին, ամենատարբեր առիթներով հատկացնում ենք խոշոր գումարներ։ Ծախսման արդյունավետությունը սկզբունքային կարևոր հարց է»։
