Ուկրաինական պատերազմի իրադրության մասին իր հերթական ամփոփումը Բրիտանիայի պաշտպանության նախարարությունը նվիրում է Խերսոնի շրջանում իրադարձությունների զարգացմանը, որտեղ Ուկրաինայի զորքերը վստահ առաջ են շարժվում։
Ռուսական զորքերը, որոնք հոկտեմբերի սկզբին Խերսոնի ուղղությամբ մոտ 20 կմ դեպի հյուսիս են նահանջել, փորձում են նոր ռազմաճակատ ամրապնդել Միլովո ավանից արևմուտք:
- Այդ շրջաններում շարունակվում են կատաղի մարտերը, հատկապես ճակատային գծի արևմտյան մասում, որտեղ ռուսական ճակատի թևը այլևս պաշտպանված չէ Ինգուլեց գետի կողմից՝ Ուկրաինայի ԶՈՒ-ի հաջող հարձակման պատճառով: Այս հատվածում ռուսական զորքերի մեծ մասը օդային ուժերի համալիրներ են։
- Վերջին օրերին ռուսական օկուպացիոն իշխանությունները, ըստ ամենայնի, հրաման են տվել Խերսոնից խաղաղ բնակիչների մի մասի տարհանմանը նախապատրաստվելու մասին: Հավանական է, որ նրանք ակնկալում են, որ մարտական գործողությունները կտեղափոխվեն Խերսոն։
