Առաջիկայում Հայաստան կայցելի ամերիկյան ԱՄՆ Կոնգրեսի Ներկայացուցիչների պալատի մեծ պատվիրակություն: Տեղեկությունը Radar Armenia-ի հետ զրույցում հաստատել է ՀՀ ԱԺ նախագահի մամուլի քարտուղար Ծովինար Խաչատրյանը։
«Այո, աշխատանքային այցով կոնգրեսականներ են գալու Հայաստան»,- ասել է Խաչատրյանը նշելով, որ ժամկետների վերաբերյալ հստակ տեղեկություն կլինի մյուս շաբաթվա ընթացքում։
Խաչատրյանի խոսքով՝ լինելու է կոնգրեսականների ու լրագրողների հետ շփում՝ ասուլիսի ձևաչափով. «Կոնգրեսականները մեկ ընդհանուր չվերթով են գալու, բայց կազմի վերաբերյալ դեռ որևէ բան չեմ կարող ասել, բայց կարող եմ նշել, որ բավականին ներկայացուցչական կազմով են գալիս»:
ՀՀ ԱԺ նախագահի մամուլի քարտուղարի խոսքով՝ նրանք դեռևս ամռանը պետք է գային Հայաստան, բայց ինչ-ինչ պատճառներով չստացվեց և այցը տեղափոխվել է մյուս շաբաթ։
