Գերմանիան և ՆԱՏՕ-ի անդամ 13 երկիր հռչակագիր են ստորագրել հակաօդային պաշտպանության ավելի կատարյալ եվրոպական համակարգ ստեղծելու մասին: Այս մասին հայտնել Է DPA գործակալությունը։
Ըստ գործակալության՝ Բրյուսելում Հյուսիսատլանտյան դաշինքի պաշտպանության նախարարների հանդիպման շրջանակներում Գերմանիայի պաշտպանության նախարար Քրիստին Լամբրեխտը և նրա գործընկերները հռչակագիր են ստորագրել «European Sky Shield» («Եվրոպական հակահրթիռային վահան») նախաձեռնության մասին: Դա պետք է օգնի ներկայիս եվրոպական ՀՕՊ համակարգում վերացնել առկա բացերը։
Ներկայումս բալիստիկ հրթիռներից, անօդաչու թռչող սարքերից և թևավոր հրթիռներից պաշտպանվելու որոշակի խնդիրներ կան: ՀՕՊ միասնական համակարգի ստեղծումը կապված է անվտանգության ոլորտում փոփոխված իրավիճակի հետ, որն առաջացել է Ուկրաինայի իրադարձությունների պատճառով: Մինչ այժմ Եվրոպայում հակահրթիռային պաշտպանությունն առաջին հերթին ուղղված էր Իրանի կողմից հնարավոր սպառնալիքներին։
