Քաղաքապետը շնորհակալություն է հայտնել Փարիզի քաղաքային խորհրդին

Ինչպես հայտնել ենք՝ Փարիզի քաղաքային խորհուրդը միաձայն  ընդունել է բանաձև՝ ի պաշտպանություն հայ ժողովրդի։

Բանաձևով Փարիզը դատապարտում է Հայաստանի ինքնիշխան տարածքի նկատմամբ Ադրբեջանի ագրեսիան՝ որակելով ադրբեջանական զինված ուժերի գործողությունները որպես միջազգային իրավունքի և մարդու իրավունքների կոպտագույն խախտումներ։

Փարիզի քաղաքային խորհուրդը կոչ է անում Ֆրանսիայի կառավարությանը կիրառել պատժամիջոցներ Ադրբեջանի ղեկավարների նկատմամբ։

Այս առթիվ Երևանի քաղաքապետ Հրաչյա Սարգսյանը շնորհակալություն է հայտնել Փարիզի  գործընկերներին՝ հայ ազգի համար պատմականորեն բարդ այս ժամանակահատվածում մշտապես  սատարելու համար։