Առողջապահության ոլորտում Հայաստան-Ասիական զարգացման բանկ (ԱԶԲ) համագործակցությամբ ընթացիկ ծրագրերն ու գործընկերային հարաբերությունների խորացման հնարավորությունները քննարկվել են առողջապահության նախարար Անահիտ Ավանեսյանի և Ասիական զարգացման բանկի ներկայացուցիչների հանդիպմանը:
Նախարարը ներկայացրել է առողջության առաջնային պահպանման օղակում նախատեսվող բարեփոխումները, մարզային 20 ամբուլատորիայի և 4 պոլիկլինիկաների վերակառուցման և վերազինման ծրագրի շուրջ համագործակցելու հնարավորությունները:
Ասիական զարգացման բանկի ներկայացուցիչները վերահաստատել են իրենց աջակցությունն առկա և դեռևս մշակման փուլում գտնվող ծրագրերին:
