«Իրազեկ քաղաքացիներ միավորում» հասարակական կազմակերպության համակարգող Դանիել Իոաննիսյանը գրել է․
«Երեկ ԵԽԽՎ-ում Հայաստանի իշխանական պատգամավորները բարեհաջող կռիվ տվեցին Հայաստանի ընդդիմադիր պատգամավորի խոսքի (ելույթի) իրավունքի համար (երբ թուրք նախագահողը փորձում էր ընդհատել այն)։
Ընդորում, ընդդիմադիր պատգամավորը այդ պահին խոսում էր Հայաստանի իշխանությունների ապիկարության արդյունքում Լեռնային Ղարաբաղի խնդրի վատթարացման մասին։ Բայց նաև ՔՊ-ին ուղղված այդ քննադատությունը ետ չպահեց իշխանականներին` պայքարելու ընդդիմադիրի ընդհատված այդ ելույթի շարունակման համար։
Սա իրապես լավ օրինակ էր։ Անկախ նրանից, թե անձնական ինչ վերաբերմունք ունենք իշխանականներ Ռուբեն Ռուբինյանի, Վլադիմիր Վարդանյանի ու ընդդիմադիր Հայկ Մամիջանյանի (կամ նրանց քաղաքական ուժերի) նկատմամբ»
