Ուկրաինայում հրադադարի շուրջ հնարավոր է պայմանավորվել մեկ շաբաթում, բայց միայն երբ բանակցություններին մասնակցեն ԱՄՆ-ի ու Մեծ Բրիտանիայի ներկայացուցիչները, հայտարարել է Բելառուսի նախագահ Ալեքսանդր Լուկաշենկոն։
«Ամեն ինչ կախված է ԱՄՆ-ից և Մեծ Բրիտանիայից: Եթե հասկանում եք և համաձայն եք, որ վաղը մենք պետք է նստենք սեղանի շուրջ և պայմանավորվենք, հավատացեք, մեկ շաբաթվա ընթացքում կպայմանավորվենք»,- ասել է նա ամերիկյան NBC ընկերությանը տված հարցազրույցում, որը մեջբերում է Belta բելառուսական գործակալությունը։
Ըստ Բելառուսի նախագահի՝ պատերազմը «միշտ էլ վատ է» և բոլորն էլ հասկանում են, որ անհրաժեշտ է դադարեցնել հակամարտությունը և բանակցել։
