Հավատարիմ մնալով իր գործելաոճին՝ ադրբեջանական կողմը վերջին օրերին պարբերաբար կեղծ լուրեր է տարածում, թե իբրև ՀՀ ԶՈւ ստորաբաժանումները կրակ են բացել ադրբեջանական դիրքերի ուղղությամբ։
Սեփական հասարակությանն ու միջազգային հանրությանը նմանօրինակ կեղծ լուրերի մատուցումը նպատակ է հետապնդում հետագայում արդարացնել ադրբեջանական կողմի ագրեսիան հայ-ադրբեջանակն սահմանին։
Այս մասին գրել է ՀՀ վարչապետի աշխատակազմի ղեկավարի տեղակալ Տարոն Չախոյանը՝ նշելով, որ բացառված չէ, որ այս կերպ ադրբեջանական կողմը նաև արհեստական հենք է փորձում ստեղծել վիժեցնելու համար հոկտեմբերի 31-ին Բրյուսելում դելիմիտացիայի և սահմանային անվտանգության հարցերով հանձնաժողովների հանդիպման կազմակերպման հայկական կողմի առաջարկը։
