ԵՄ 27 երկրների ԱԳ նախարարները մտադիր են հաստատել Իրանի դեմ պատժամիջոցները՝ երկրում բռնաճնշումների պատճառով։ Այս մասին հայտարարել է ԵՄ դիվանագիտության ղեկավար Ժոզեպ Բորելը երկուշաբթի օրը Լյուքսեմբուրգում նախարարների հանդիպմանը ժամանելուն պես։
«Իրանում կանանց աջակցելու համար սեղանին դրված է պատժամիջոցների փաթեթ, ես վստահ եմ, որ դրանք կընդունվեն»,- ասել է նա։
Բորելն ընդգծել է, որ նոր պատժամիջոցները վերաբերում են միայն ռեպրեսիաներին, դրանք կապ չունեն Ռուսաստանի և Իրանի կողմից Մոսկվային անօդաչու սարքեր մատակարարելու մասին լուրերի հետ։
Հիշեցնենք, որ Իրանում անկարգություններ են տեղի ունեցել 22-ամյա Մահսա Ամինիի հուղարկավորությունից հետո։ Ըստ պաշտոնական վարկածի՝ այս քուրդ աղջկան բերման է ենթարկել փոխոստիկանությունը՝ գլխաշորը ոչ ճիշտ կրելու պատճառով։ Հարցաքննության ժամանակ նա սրտի կաթված է ստացել, որից մահացել է։ Սակայն սոցցանցերում տեղեկություններ են տարածվել, որ Ամինին ծեծի է ենթարկվել ոստիկանների կողմից։
