ՀՀ վարչապետ Նիկոլ Փաշինյանը որոշում է ստորագրել Հայաստանի Հանրապետության դատական և իրավական բարեփոխումների 2022-2026 թվականների ռազմավարության և դրանից բխող գործողությունների ծրագրի կատարման մշտադիտարկման խորհուրդ ձևավորելու, խորհրդի անհատական կազմը հաստատելու մասին:
Համաձայն որոշման՝ ՀՀ դատական և իրավական բարեփոխումների 2022-2026 թվականների ռազմավարության և դրանից բխող գործողությունների ծրագրի իրականացման ընթացքի համակարգմանը, մշտադիտարկմանը և գնահատմանն աջակցելու նպատակով ձևավորելու է դատական և իրավական բարեփոխումների 2022-2026 թվականների ռազմավարության և դրանից բխող գործողությունների ծրագրի կատարման մշտադիտարկման խորհուրդ (այսուհետ` Մշտադիտարկման խորհուրդ):
Նիկոլ Փաշինյանը հաստատել է Մշտադիտարկման խորհրդի անհատական կազմը։
Մշտադիտարկման խորհրդի նախագահն է ՀՀ վարչապետը: Խորհրդի մեջ ընդգրկված են ՀՀ արդարադատության նախարարը, ԲԴԽ նախագահը, ՄԻՊ-ը, գլխավոր դատախազը, Քննչական կոմիտեի և Հակակոռուպցիոն կոմիտեղի ղեկավարներն ու այլ պաշտոնյաներ։
