ՀՀ առողջապահության նախարարության աշխատակազմը՝ նախարար Անահիտ Ավանեսյանի և առաջին տեղակալ Լենա Նանուշյանի գլխավորությամբ, պատվաստվել է գրիպի դեմ։
Նախարար Անահիտ Ավանեսյանն այս կապակցությամբ գրել է.
«Այսօր առողջապահության նախարարության թիմով պատվաստվեցինք գրիպի դեմ՝ սեզոնային ակտիվության շրջանում պաշտպանված լինելու համար:
Գրիպի պատվաստանյութն առկա է առաջնային օղակում. կարող եք պատվաստվել՝ անկախ կցագրման փաստից։
Պատվաստանյութը հասանելի է նաև շարժական պատվաստումային կետում։
Ի դեպ, մասնագետներն ասում են, որ COVID-19-ի և գրիպի պատվաստումները կարելի է զուգակցել»։
Անահիտ Ավանեսյանը նաև պատասխանել է լրագրողների հարցերին։
