Սիսիանում «Քաղաքացիական պայմանագիր» խմբակցության պատգամավոր Արմեն Հակոբջանյանին այսօր կրկին չհաջողվեց երդվել և ստանձնել համայնքի ղեկավարի լիազորությունները. քվորում չապահովվեց:
Նշենք, որ նրա երդման առաջին արարողությունը պետք է կայանար դեռևս հոկտեմբերի 15-ին, սակայն կրկին քվորում չլինելու պատճառով այն չէր կայացել։
Նշենք, որ ավագանու 4 մանդատից նախ հրաժարվել էր «Ապրելու երկիր» խմբակցությունը, ապա մանդատներից հրաժարվելու մասին հայտարարել էին «Աշխատանք և արդարություն» և «Մեկ Հայաստան» խմբակցությունները, որոնք ընդհանուր ունեին 7 մանդատ։
Հիշեցնենք, որ Սիսիանի նորընտիր ավագանու առաջին նիստին՝ հոկտեմբերի 12-ին, համայնքապետի ընտրության երկրորդ փուլում համայնքի ղեկավար էր ընտրվել «Քաղաքացիական պայմանագիր» կուսակցության թեկնածու Արմեն Հակոբջանյանը։
