Այս տարի նշվում է ՀԽՍՀ ժողովրդական նկարիչ, պրոֆեսոր, Հայրենական մեծ պատերազմի մասնակից Մկրտիչ Սեդրակյանի 100-ամյակը:
Այդ կապակցությամբ Հայաստանի նկարիչների միության և ՀՀ ԿԳՄՍ նախարարության աջակցությամբ հոկտեմբերի 19-26-ը Հայաստանի նկարիչների միությունում կազմակերպվելու է «Մկրտիչ Սեդրակյանը և իր որդիները» հոբելյանական ցուցահանդեսը:
Ցուցահանդեսին ներկայացվելու է 100-ից ավելի ստեղծագործություն, որոնցից 15-ը՝ Հայաստանի ազգային պատկերասրահի հավաքածուից, 3-ը՝ Վանաձոր քաղաքի պատկերասրահից, ինչպես նաև կտավներ՝ ընտանեկան և մասնավոր հավաքածուներից:
Ցուցահանդեսի շրջանակում ցուցադրվելու են նաև Սեդրակյան ընտանիքի ժառանգների՝ ՀՆՄ անդամներ Վարդան Մկրտչի Սեդրակյանի և Դավիթ Մկրտչի Սեդրակյանի ստեղծագործությունները:
