Ռուսական ուժերը սահմանափակ ցամաքային հարձակում են իրականացրել Խարկովի մարզի հյուսիսում, ինչը ցույց է տալիս, որ ՌԴ զինված ուժերը կարող են պահպանել տարածքային նվաճումների ձգտումները Խերսոնի մարզում՝ չնայած ուկրաինական վերջին հակահարձակման ընթացքում ունեցած հսկայական կորուստներին։ Այս մասին ասվում է Պատերազմի ուսումնասիրման ամերիկյան ինստիտուտի (ISW) հոկտեմբերի 18-ի ամփոփագրում։
ԱՄՆ գործող և նախկին պաշտոնյաները հաստատել են, որ Իրանի հեղափոխության պահապանների կորպուսի անդամները Ռուսաստանի կողմից անեքսիայի ենթարկված Ղրիմում ռուս զինվորականներին վարժեցնում են իրանական անօդաչու թռչող սարքեր օգտագործելու հարցում։
Բելառուսը շարունակում է տրամադրել իր ցամաքային ու օդային տարածքը՝ Ուկրաինայում ռուսական գրոհներին աջակցելու համար, սակայն, ըստ վերլուծաբանների, հավանականությունը, որ Մինսկը պատերազմի մեջ կմտնի Ռուսաստանի կողմից, չափազանց փոքր է։
